Strateji Plan

Ölkəmizin dinamik inkişafı bank sektorunda da sistemli və sürətli islahatlar aparılmasını, o cümlədən yeni bank texnologiyalarının tətbiqini, yeni xidmət növlə­rinin göstərilməsini, təsərrüfat subyektlərinin bank-maliyyə dövriyyəsinə mümkün qədər daha geniş cəlb olunmasını ehtiva edir. Bu vəzifələrin uğurla yerinə yetirilmə­sindən ötrü kommersiya bankları üçün ümumi sayıla biləcək problemlərin birgə həl­linə, onların dövlət və qeyri-dövlət qurumları ilə əməkdaşlıq münasibətlərinin daha da dərinləşdirilməsinə, beynəlxalq maliyyə institutları ilə daha fəal işgüzar əlaqələr qurmasına ehtiyac vardır.

Milli Bank ölkənin bank sisteminin formalaşmasında, onun bazar idarəetmə alətləri ilə və inzibati üsullarla tənzimlənməsi sahəsində əhəmiyyətli uğurlar əldə etmişdir. Bununla belə, yeni dövr qarşıya yeni vəzifələr qoyur. Bu gün bank sektorunda özünüinkişaf mexanizmlərinin tətbiqi əvvəlki dövrlərə nisbətən daha aktualdır.

Assosiasiyanın missiyası (əsas məqsədi) ölkə­də fəaliyyət göstərən bankların və bank olmayan kredit təşkilatlarının ortaq maraqla­rını dövlət və qeyri-dövlət qurumlarında təmsil və müdafiə etməkdən və üzv-təşkilatların özünüidarə prinsipi əsasında dinamik inkişafına effektiv yardım göstərməkdən ibarətdir.

Bu məqsədlərə nail olmaq üçün Azərbaycan Banklar Assosiasiyasının başlıca vəzifəsi  özünüinkişaf mexanizmlərinin yaradılması və tək­milləşdirilməsidir. Bununla bağlı, ABA-nın institusional inkişafını sürətləndirərək, ölkə iqtisadiyyatında aparılan islahatlarda onun rolunu gücləndirmək obyektiv zərurətə çevrilmişdir.

2007-2011-ci İllərdə əsas Fəaliyyət  İstiqamətləri yükləmək